IPL ની નવી બે ટિમ ખરીદવાવાળી કંપની શું કરે છે? જાણો, કોણ છે તેના માલિક…

ઇન્ડિયન પ્રીમિયર લીગમાં હવે કુલ 10 ટીમો ભાગ લેશે. લખનૌની ટીમ માટે સૌથી વધુ બોલી લગાવીને આરપીએસ ગોએન્કા ગ્રુપે આ ટીમ પોતાના નામે કરી લીધી છે. તેણે સૌથી વધુ રૂ. 7,090 કરોડની બોલી લગાવી હતી. જ્યારે CVC કેપિટલે અમદાવાદની ટીમ માટે રૂ. 5,625 કરોડની વિનિંગ બિડ કરી છે.

આરપીએસ ગોએન્કા ગ્રુપ: આરપી સંજીવ ગોએન્કા ગ્રુપ એ એક ભારતીય બહુરાષ્ટ્રીય કંપની છે, જેનું મુખ્ય મથક કોલકાતામાં છે. તેની શરૂઆત રામ પ્રસાદ ગોએન્કાના નાના પુત્ર સંજીવ ગોએન્કાએ કરી હતી. કંપનીની સ્થાપના 13 જુલાઈ 2011ના રોજ કરવામાં આવી હતી.

તેની પાસે $6 બિલિયનની એસેટ બેઝ છે અને આવક $4 બિલિયન છે. ગ્રૂપના બિઝનેસમાં પાવર એન્ડ એનર્જી, કાર્બન બ્લેક મેન્યુફેક્ચરિંગ, રિટેલ, આઈટી-સર્વિસિસ, એફએમસીજી, મીડિયા અને એન્ટરટેઈનમેન્ટ, ઈન્ફ્રાસ્ટ્રક્ચર અને એજ્યુકેશનનો સમાવેશ થાય છે.

રામપ્રસાદ ગોએન્કાએ વર્ષ 1979માં આરપીજી એન્ટરપ્રાઇઝની સ્થાપના કરી હતી. 1981 માં, જૂથે CEAT Tyres હસ્તગત કરી. 2010 માં, જૂથનો વ્યવસાય રામ પ્રસાદ ગોએન્કાના પુત્રો હર્ષ ગોએન્કા અને સંજીવ ગોએન્કામાં વહેંચાયેલો હતો. RP સંજીવ ગોએન્કા ગ્રૂપની શરૂઆત 13 જુલાઈ 2011ના રોજ કરવામાં આવી હતી, જેમાં સંજીવ ગોએન્કા તેના અધ્યક્ષ હતા.

CVC કેપિટલ પાર્ટનર્સ: CVC કેપિટલ પાર્ટનર્સ એ ખાનગી ઇક્વિટી અને રોકાણ સલાહકાર કંપની છે. કંપનીએ તેની શરૂઆતથી જ યુરોપિયન અને એશિયન પ્રાઇવેટ ઇક્વિટી, ક્રેડિટ અને ગ્રોથ ફંડ્સમાં આશરે $111 બિલિયનનું રોકાણ કર્યું છે. CVC દ્વારા સંચાલિત ભંડોળ વિશ્વભરમાં 73 કંપનીઓમાં રોકાણ કરવામાં આવ્યું છે, જે વિવિધ દેશોમાં ત્રણ લાખથી વધુ લોકોને રોજગારી આપે છે.

1981 થી, CVC એ વિવિધ ઉદ્યોગો અને દેશોમાં અડધા મિલિયનથી વધુ રોકાણો કર્યા છે. તે વર્ષ 1981 માં શરૂ કરવામાં આવ્યું હતું અને આજે યુરોપ, એશિયા અને અમેરિકામાં 24 ઓફિસોમાં 400 થી વધુ કર્મચારીઓ કામ કરે છે.

અમેરિકન બેંકિંગ કંપની સિટીકોર્પે વર્ષ 1968માં તેનું રોકાણ એકમ શરૂ કર્યું હતું. જેનો હેતુ વેન્ચર કેપિટલ રોકાણ પર ધ્યાન કેન્દ્રિત કરવાનો હતો. 1970 ના દાયકાના અંતમાં અને 1980 ના દાયકાની શરૂઆતમાં, સિટીકોર્પ વેન્ચર કેપિટલના ચેરમેન વિલિયમ ટી. કમ્ફર્ટની આગેવાની હેઠળ પ્રારંભિક તબક્કાના વ્યવસાયોમાં રોકાણ કરી રહી હતી. CVC કેપિટલ પાર્ટનર્સ તેની યુરોપિયન કંપની તરીકે 1981 માં શરૂ કરવામાં આવી હતી.