Weather Forecast : એપ્રિલમાં ગુજરાતના વાતાવરણમાં મોટો પલટો આવશે, આંધી-વંટોળ સાથે ત્રાટકશે વરસાદ …

 Weather Forecast : માત્ર ગુજરાત જ નહિ, હાલ આખા દેશનું વાતાવરણ પલટાયું છે. પશ્ચિમના રાજ્યો બંગાળ, અસમ, મણિપુર અને મિઝોરમમાં વાવાઝોડાએ વિનાશ વેર્યો છે. અનેક મકાનો, વૃક્ષો અને વીજળીના થાંભલા ધરાશાયી થયા છે. તો જલપાઈગુડીમાં 4 લોકોનાં મોત નિપજ્યા છે.

 Weather Forecast : તેમજ 100થી વધુ લોકો ઈજાગ્રસ્ત થયા છે. તો વાતાવરણમાં અચાનક આવી ગયેલા વેસ્ટર્ન ડિસ્ટર્બન્સથી ગુજરાતનું વાતાવરણ પલટાયું છે. ગુજરાતના અનેક શહેરોમાં ગરમીના પ્રકોપમાં થોડી રાહત મળી છે. અમદાવાદમાં 36.8 ડીગ્રી તાપમાન નોંધાયું છે. જે સામાન્ય કરતા 1.5 ડીગ્રી ઓછું તાપમાન છે.

 Weather Forecast : તો ડીસામાં 36 ડીગ્રી જ્યારે ગાંધીનગરમાં પણ 36 ડીગ્રી તાપમાન નોંધાયું છે. વડોદરામાં 37.2 જ્યારે સુરતમાં 36 ડીગ્રી તાપમાન નોંધાયું છે. તો ભુજમાં 37.2 અને નલિયામાં 32.6 ડીગ્રી તાપમાન નોંધાયું છે. અમરેલીમાં 38.6 અને ભાવનગરમાં 35.2 ડીગ્રી તાપમાન નોંધાયું છે. જ્યારે કેશોદમાં 37 ડિગ્રી તાપમાન નોંધાયું છે.

એપ્રિલ મહિનામાં પલટાશે વાતાવરણ

 Weather Forecast : ગુજરાતમાં બદલાયેલા મોસમના મિજાજ વચ્ચે નવી આગાહી આવી છે. એપ્રિલ મહિનામાં ફરી એકવાર કમોસમી વરસાદની આગાહી આવી છે. હવામાન નિષ્ણાત અંબાલાલ પટેલે આગાહી કરી છે કે, એપ્રિલ માસમાં ગુજરાતના વાતાવરણમા પલટો આવશે. આંધી વંટોળ સાથે ગુજરાતમાં વરસાદનું આગમન થશે.

એપ્રિલમાં ગરમી પણ આવશે

 Weather Forecast : સાથે જ અંબાલાલ પટેલે કહ્યું કે, એપ્રિલ માસમાં ગરમીના પ્રમાણ પણ વધારો થશે. 20 એપ્રિલથી રાજ્યમાં આકરી ગરમીની શરૂઆત થશે. રાજ્યના અનેક ભાગોમાં ગરમીનું પ્રમાણ 43 ડિગ્રી સુધી જઈ શકે છે. તો મે માસમાં પણ રાજ્યના કેટલાક ભાગોમાં ગરમી વધતા લૂ ફૂંકાશે.

આ પણ વાંચો : Astro Tips : તાંબાના લોટાના આ ઉપાયો અજમાવી જુઓ, દૂર થશે દરિદ્રતા, પૈસાની રેલમછેલ થશે, સફળતા કદમ ચૂમશે\

એપ્રિલમાં પણ ગરમીનો માર

 Weather Forecast : એપ્રિલ મહિનાના પહેલા અઠવાડિયાની શરુઆતથી તાપમાનમાં વધારો થવાની આગાહી કરવામાં આવી છે. હાલ તો ઉત્તર ભારતમાં આવી રહેલા વેસ્ટર્ન ડિસ્ટર્બન્સની અસરના કારણે ગુજરાતમાં તાપમાનમાં સામાન્ય ઘટાડો થયો છે. પરંતું એપ્રિલની શરૂઆત થતા જ વાતાવરણ ફરીથી પલટાઈ જશે. આગામી દિવસમાં ફરી તાપમાન ઊંચું જશે.