UPSC Success Story : ચોથા એટેમ્પ્ટમાં હાંસલ કર્યો ચોથો રેન્ક, TV જોઈને માતા-પિતાને ખ્યાલ આવ્યો પુત્રએ આપી હતી એક્ઝામ..

UPSC Success Story : UPSC સિવિલ સર્વિસ પરીક્ષા એ ચોક્કસપણે ભારતની સૌથી અઘરી પરીક્ષાઓમાંની એક છે. લાખો ઉમેદવારો આ હાઈ-પ્રોફાઈલ પરીક્ષામાં સામેલ થાય છે, પરંતુ 4-5 પ્રયાસો પછી પણ તેને પાસ કરી શકતા નથી. જોકે, ઘણા લોકોએ આ પરીક્ષાને બે કરતા વધુ વખત ક્રેક કરી છે.

UPSC Success Story : તેઓ ભારતીય વહીવટી સેવા (IAS)ના ટોપ પદને સુરક્ષિત કરવા માટે પરીક્ષામાં ફરીથી સામેલ થાય છે. આવા જ એક વ્યક્તિ છે પીકે સિદ્ધાર્થ રામકુમાર, જેમણે UPSC સિવિલ સર્વિસ પરીક્ષા 2023માં ઓલ ઈન્ડિયા રેન્ક (AIR) 4 મેળવ્યો છે. તેઓ કેરળના છે અને UPSC CSEમાં રાજ્યના ટોપર છે. આ તેમનો ચોથો પ્રયાસ હતો.

હૈદરાબાદમાં ચાલી રહી છે IPSની ટ્રેનિંગ

તેઓ હાલ હૈદરાબાદમાં IPSની ટ્રેનિંગ લઈ રહ્યા છે. ગયા વર્ષે તેમણે સિવિલ સર્વિસ પરીક્ષા 2022માં 121મો રેન્ક મેળવ્યો હતો. IPS માટે સિલેક્ટ થતા પહેલા તેઓ ભારતીય ટેલિકોમ્યુનિકેશન સર્વિસમાં જોડાયા હતા. તેમણે ગયા વર્ષે તેમના રેન્કમાં સુધારો કર્યો, પરંતુ તેઓ IPS બન્યા રહ્યા.

UPSC Success Story : તેમણે ઓગસ્ટ 2019માં કેરળ યુનિવર્સિટીમાંથી આર્કિટેક્ચરમાં ગ્રેજ્યુએશનની ડિગ્રી મેળવી. તેઓએ ગ્રેજ્યુએશનના અંતિમ વર્ષમાં તેમનો પહેલો UPSC પ્રયાસ આપ્યો, પરંતુ પ્રિલિમ પરીક્ષા પાસ કરી શક્યા નહતા.

આ પણ વાંચો : Garib Gujarati : ન કોઈ ક્લાસીસ, ઘરે બેઠા તૈયારી, ગરીબ ગુજરાતી યુવકે UPSCમાં આવી રીતે માર્યું મેદાન.

પરિણામ બાદ પરિવારને ખબર પડી

જ્યારે મંગળવારે (16 એપ્રિલ)ના રોજ પ્રતિષ્ઠિત સિવિલ સર્વિસ પરીક્ષા 2023નું પરિણામ આવ્યું, ત્યારે આ તેમના પરિવાર માટે આશ્ચર્યજનક વાત હતી. આવું માત્ર એટલા માટે નહોતું કે તેમના દીકરાએ ચોથો રેન્ક મેળવ્યો હતો, પરંતુ તેમને એ વાતનો ખ્યાલ જ નહતો કે તેઓ પરીક્ષા અને ઇન્ટરવ્યું આપ્યું હતું. તેમના પિતા રામકુમાર એક રિટાર્ડ સ્કૂલ પ્રિન્સિપાલ છે અને તેમની માતા ગૃહિણી છે. તેમના ભાઈ આદર્શ હાઈકોર્ટમાં પ્રેકિટસિંગ વકીલ છે.

ક્રિકેટ અને ફિલ્મોના શોખીન

તેમની માતાએ કહ્યું કે, “ટીવી જોયા પછી જ અમને ખબર પડી કે તેમણે પરીક્ષાનો પ્રયાસ કર્યો હતો અને ઇન્ટરવ્યુ આપ્યું હતું.” “તેઓ ફિલ્મોના શોખીન છે અને ક્રિકેટનો પણ શોખ છે.” તેમના ભાઈ આદર્શ કુમાર કહે છે, ” બની શકે છે તેઓ તેમના તાજેતરના પ્રયાસ વિશે કંઈ ન કહીને અમને આશ્ચર્યચકિત કરવા માંગતા હતા.”