આ શેરમાં એક લાખના રોકાણની વેલ્યૂ 45 કરોડ થઈ ગઈ, ત્રણ વખત બોનસ શેર મળ્યા

Multibagger Share: ભારત ઈલેક્ટ્રોનિક્સ લિમિટેડ (Bharat Electronics Ltd)ના રોકાણકારો સાથે ચમત્કાર થયો છે તેમ કહી શકાય. આ કંપનીએ અત્યાર સુધીમાં ત્રણ વખત બોનસ શેર આપ્યા છે અને શેરનો ભાવ પણ વધતો જાય છે. તેના કારણે જે ઈન્વેસ્ટરે બે દાયકા સુધી રોકાણ હોલ્ડ કરી રાખ્યું હશે તેમને આજે જંગી વળતર મળે છે.

Multibagger Share: રોકાણકારોના પોર્ટફોલિયોમાં મલ્ટિબેગર શેર હોય તો થોડા જ વર્ષોમાં તેઓ અમીર બની શકે છે. આ શેરોની ખાસ વાત એ હોય છે કે તે સતત વધતા જાય છે અને અમુક લાખ રૂપિયાના રોકાણને કરોડોમાં રૂપાંતરિત કરી નાખે છે. ભારત ઈલેક્ટ્રોનિક્સ લિમિટેડ (Bharat Electronics Ltd) પણ આવો એક શેર છે. આ સરકારી કંપનીમાં જેમણે રોકાણ કર્યું તેમનું નસીબ બદલાઈ ગયું છે. આ શેરમાં એક લાખ રૂપિયાના રોકાણ સામે અત્યારે 45 કરોડ રૂપિયા મળે છે.
સંયોગ કે ષડયંત્ર? ઓડિશામાં વધુ એક રશિયન નાગરિકનું મોત, 15 દિવસમાં ત્રીજી ઘટના

શેરબજારમાં નસીબ ઘણી વખત કામ કરે છે. તેથી ક્યારે કયા શેરમાં ચમત્કાર થશે તે કહી શકાતું નથી. ભારત ઈલેક્ટ્રોનિક્સ લિમિટેડ (Bharat Electronics Ltd)ના રોકાણકારો સાથે ચમત્કાર જ થયો છે. આ કંપનીએ અત્યાર સુધીમાં ત્રણ વખત બોનસ શેર આપ્યા છે જેથી રોકાણકારો પાસે કુલ શેરની સંખ્યા પણ વધી ગઈ છે. છેલ્લા છ મહિનામાં ભારત ઈલેક્ટ્રોનિક્સનો શેર 30 ટકા વધ્યો છે.

જ્યારે છેલ્લા એક વર્ષમાં આ શેરમાં 42 ટકાનો વધારો થયો છે. આ શેરની બાવન અઠવાડિયાની ટોચ રૂ. 114 છે જ્યારે બાવન સપ્તાહની નીચી સપાટી રૂ. 62 છે.

હાલમાં ભારત ઈલેક્ટ્રોનિક્સ લિમિટેડ (Bharat Electronics Ltd)નો શેર લગભગ 100 રૂપિયાની આસપાસ ચાલે છે. આ કંપનીએ ત્રણ વખત બોનસ શેર આપ્યા છે જેમાં 2:1, 1:10 અને 2:1ના રેશિયોમાં શેર અપાયા હતા.

1999માં કોઈએ આ કંપનીમાં એક લાખ રૂપિયા રોક્યા હશે તો તે સમયે તેને 4.54 લાખથી વધારે શેર મળ્યા હતા. ત્યાર બાદ સપ્ટેમ્બર 2015માં પહેલી વખત બોનસ શેર આપવામાં આવ્યા અને બે શેરની સામે એક બોનસ શેર મળ્યો.

સપ્ટેમ્બર 2017માં પણ કંપનીએ બોનસ શેર આપ્યા હતા. તે સમયે એકની સામે 10 બોનસ શેર મળ્યા હતા. તેથી 1999માં આ કંપનીમાં કરેલું રોકાણ હજુ સુધી હોલ્ડ કરવામાં આવ્યું હોત તો કુલ શેરની સંખ્યા લગભગ 45 લાખ જેટલી થઈ ગઈ હશે. છેલ્લા બજાર ભાવ સાથે આ શેરની સંખ્યાનો ગુણાકાર કરવામાં આવે તો તે લગભગ 45 કરોડ રૂપિયા થાય છે.

એટલે કે 23 વર્ષ સુધી જે લોકોએ આ કંપનીમાં એક લાખ રૂપિયાના રોકાણને હોલ્ડ કરી રાખ્યું હશે તેમની પાસેના શેરની કિંમત 45 કરોડ રૂપિયા થઈ ગઈ હશે. આ કંપની હાલમાં 73,280 કરોડની માર્કેટ કેપિટલ ધરાવે છે.