Success Story : માત્ર 2 હજાર રૂપિયાનું રોકાણ કરીને બનાવી દીધી 10 કરોડની કંપની, કઈક આવી છે શૈલી બુલચંદાનીની સક્સેસ સ્ટોરી ?

Success Story : શાર્ક ટેન્ક ઈન્ડિયાની ત્રીજી સીઝન (Shark Tank India-3)માં તાજેતરમાં જ એક હેર સ્ટાર્ટઅપ (Startup) આવ્યું હતું. આ હેર સ્ટાર્ટઅપમાં પૈસા લગાવવા માટે 3 શાર્કે ઓફર આપી. આ સ્ટાર્ટઅપની ખૂબ જ ખાસ વાત એ રહી કે તેના ફાઉન્ડર માત્ર 24 વર્ષના છે, જેઓ બિઝનેસ અને અભ્યાસ બંને સાથે-સાથે કરી રહ્યા છે.

Success Story : આ ફાઉન્ડરનું નામ છે શૈલી બુલચંદાની (Shelly Bulchandani), જેઓ રાજસ્થાનના અજમેરના રહેવાસી છે. તેમની સાથે પહેલા તો તમામ શાર્ક નેગોશિએટ કરતા રહ્યા, પરંતુ અંતે અમન ગુપ્તા પાસેથી તેમને તે ડીલ મળી ગઈ, જે તેમણે માંગી હતી.

20 વર્ષની ઉંમરે શરૂ કરી કંપની

શૈલી બુલચંદાનીએ 20 વર્ષની ઉંમરે પોતાનો બિઝનેસ શરૂ કરવાનું સપનું જોયું હતું. હેર ઈન્ડસ્ટ્રીમાં પરિવર્તન લાવવાની ઈચ્છાએ તેમને બિઝનેસ સફર શરૂ કરવા તરફ પ્રેરિત કર્યા. શૈલી બુલચંદાનીનું પ્રથમ પગલું ક્વોલિટી હેરને શોધવાનું હતું. તેઓ રાજસ્થાનના રહેવાસી છે.

તેમને જયપુરમાં એક વિક્રેતા મળ્યા, જેમણે તમને 2,000 રૂપિયાના વાળ ઉપલબ્ધ કરાવ્યા. શૈલી બુલચંદાનીએ તેની મદદથી 2020માં ‘ધ શેલ હેર’નો પાયો નાખ્યો હતો. ધ શેલ હેર એક એવી બ્રાન્ડ છે, જેણે હેર ઈન્ડસ્ટ્રીમાં એક ખાસ સ્થાન બનાવ્યું છે.

કઈ પ્રોડક્ટ્સ ઓફર કરે છે કંપની?

ધ શેલ હેર સુપીરિયલ ક્વોલિટીવાળા હેર એક્સ્ટેંશન, વિગ, ટોપર્સ, બેંગ્સ અને રંગીન સ્ટ્રીક્સ ઓફર કરવામાં એક્સપર્ટ છે. જે વાત ધ શેલ હેરને તેના સ્પર્ધકોથી અલગ કરે છે તે છે સિંગલ ડોનર પાસેથી પ્રાપ્ત ઓથેંટિક ભારતીય રેમી હેરનો ઉપયોગ કરવાની પ્રતિબદ્ધતા. આ સુનિશ્ચિત કરે છે કે ગ્રાહકોને હાઈ ક્વોલિટીની પ્રોડક્ટ મળે જે તેમના નેચરલ વાળની સાથે સરળતાથી ભળી જાય.

આ પણ વાંચો : Share Market : 1 શેર પર 1 શેર બોનસ આપી રહી છે કંપની, 6 મહિનામાં પૈસા કર્યાં ડબલ…

M.sc કરી રહ્યા છે શૈલી બુલચંદાની

કરોડોની કંપની ઉભી કરતી વખતે શૈલી બુલચંદાનીએ પોતાના અભ્યાસને પાછળ પડવા ન દીધો. તેઓ ITમાં M.sc કરી રહ્યા છે. શૈલી બુલચંદાની તેમના અભ્યાસ અને બિઝનેસને અસરકારક રીતે સંતુલિત કરે છે. તેનો શ્રેય તેમની કોલેજના આંત્રપ્રિન્યોરશિપ પ્રોગ્રામને આપે છે. આ તેમની એકેડમિક અને આંત્રપ્રિન્યોરશિપ બંનેમાં વધવાના તેમના રસને દર્શાવે છે.

કંપનીએ કર્યો શાનદાર ગ્રોથ

ધ શેલ હેરની સ્થાપના પછી કંપનીએ જબરદસ્ત ગ્રોથ કર્યો છે. નાણાકીય વર્ષ 2021-22માં કંપનીએ લગભગ 36 લાખ રુપિયાનું વેચાણ નોંધાવ્યું હતું. અંદાજે 1.2 કરોડ રુપિયાની વાર્ષિક આવકની સાથે ધ શેલ હેર તેના કસ્ટમર બેસને વિસ્તારવામાં વ્યસ્ત છે. તે પોતાને હેર ઈન્ડસ્ટ્રીમાં એક વિશ્વસનીય બ્રાન્ડ તરીકે સ્થાપિત કરી રહી છે.

આ પણ વાંચો : Umiyamata : રામ મંદિર બાદ હવે અમેરિકામાં ગૂંજ્યો જય ઉમિયાનો નાદ, ન્યૂયોર્કનું ટાઈમ્સ સ્ક્વેર ગુંજી ઉઠ્યું..

શાર્ક ટેન્ક ઈન્ડિયા સાથે બદલાયું જીવન

ધ શેલ હેરની સફરમાં મહત્ત્વપૂર્ણ વળાંક ત્યારે આવ્યો જ્યારે શૈલી શાર્ક ટેન્ક ઇન્ડિયાની ત્રીજી સીઝનમાં જોવા મળ્યા. એપિસોડ દરમિયાન તેઓએ તેમના સ્ટાર્ટઅપ માટે 10 કરોડ રૂપિયાના વેલ્યૂએશનની માંગ કરી અને 30 લાખના બદલામાં 3% ઇક્વિટીની ઓફર કરી. જ્યારે કેટલાક રોકાણકારોએ ક્વોલિટી વિશે ચિંતાઓને કારણે પીછેહઠ કરી હતી. આખરે તેમની ઓફરને અમન ગુપ્તાએ સ્વીકારી. તેમણે 3% ઇક્વિટી માટે 30 લાખ રૂપિયાની ઓફર કરી હતી.