કેદારનાથ મંદિરની બહાર રાત્રે પહેરો કેમ કરી રહ્યા છે પુરોહિત? આ ભય સતાવી રહ્યો છે

વિશ્વ પ્રસિદ્ધ કેદારનાથ મંદિરના ગર્ભગૃહમાં સોનાની પરત ચઢાવવાનો વિરોધ હવે વધી રહ્યો છે. કેદારનાથ ધામના તીર્થ પુરોહિતોને ડર છે કે, ક્યાંક મંદિર સમિતિ રાત્રે સોનાની પરત ચઢાવવાનું કામ કરવાનું શરૂ ન કરી દે, આ માટે હવે રાતના સમયે પણ તીર્થ પુરોહિત મંદિરની બહાર ચોકી પહેરો આપી રહ્યા છે.

મહારાષ્ટ્રના એક મોટા દાનદાતાએ કેદારનાથ મંદિરના અંદરના ભાગને એટલે કે, ગર્ભગૃહમાં સોનાની પરત ચઢાવવાનો પ્રસ્તાવ મૂક્યો છે. મંદિરના આ ભાગમાં પહેલાથી જ 230 કિલો ચાંદીથી બનેલી પરત ચઢાવેલી છે. હાલમાં અહીં ચાંદીની પરત હટાવીને તાંબાની પરત લગાવવાનું ટ્રાયલ શરૂ થઇ ચૂક્યું છે અને ધામના તીર્થ પુરોહિત આના વિરોધમાં ઉતરી આવ્યા છે.

બાબા કેદારનાથનું ધામ, મોક્ષનું ધામ
તીર્થ પુરોહિતોનું કહેવું છે કે, કેદારનાથ ધામ મોક્ષ ધામ છે. અહીં ભક્તો બાબા કેદારના દર્શન કર્યા બાદ મોક્ષ પ્રાપ્તિ માટે આવે છે, ન કે સોનું-ચાંદી જોવા માટે. મંદિરના ગર્ભગૃહમાં સોના-ચાંદીની પરત લગાવીને અહીંની પૌરાણિક પરંપરાઓ સાથે રમવામાં આવી રહ્યું છે.

આજ સુધી અહીં સોનું ન હતું, તો શું તીર્થયાત્રી દર્શન માટે આવી રહ્યા ન હતા. તીર્થ પુરોહિતોનું કહેવું છે કે, આ વાતને લઈને બદ્રી-કેદાર મંદિર સમિતિના CEO ને પત્ર મોકલવામાં આવ્યું હતું. તેમની સાથે મંદિરના ગર્ભગૃહમાં સોનાની પરત ચઢાવવાનું કાર્ય રોકવાની માગ કરી છે.

કોઈ પણ હાલતમાં સોનાની પરત નહીં ચઢશે
તીર્થ પુરોહિતોનું કહેવું છે કે, મંદિરના ગર્ભગૃહમાં કોઈ પણ સ્થિતિમાં સોનાની પરત ચઢાવવા નહીં દઈશું. ધામના એક તીર્થ પુરોહિત અંકુર શુક્લાનું કહેવું છે કે, જો જબરદસ્તી કામ કરવામાં આવશે, તો આનો વિરોધ કરવામાં આવશે. એટલે જે તીર્થ પુરોહિત રાતના સમયે પણ મંદિરની બહાર ચોકી પહેરો આપી રહ્યા છે.

સોનું ચઢાવ્યા પછી વધશે ભવ્યતા
બદ્રી-કેદાર સમિતિના અધ્યક્ષ અજેન્દ્ર અજયે કહ્યું કે, મંદિરના ગર્ભગૃહ સાથે કોઈ છેડછાડ નથી થઇ રહી. વર્તમાનમાં મંદિરના ગર્ભગૃહમાં ચાંદીની પરત છે, તેને જ હટાવીને સોનાની પરત લગાવવામાં આવી રહી છે. આનો કોઈ વિરોધ નથી. થોડા જ લોકો આનો વિરોધ કરી રહ્યા છે. મંદિરના ગર્ભગૃહમાં જ્યારે સોનાની પરત ચઢશે, તો તેની દિવ્યતા અને ભવ્યતા વધી જશે.