ચીનમાં દરરોજ 3 કરોડ 70 લાખ લોકો કોરોના પોઝિટિવ! નવા રિપોર્ટથી વધ્યું દુનિયાનું ટેન્શન

ચીનમાં દરરોજ 3 કરોડ 70 લાખથી વધુ લોકો કોરોના સંક્રમિત થઈ રહ્યા છે. આ જાણકારી ચીનની સરકારે આપી છે. ચીનના ટોચના આરોગ્ય અધિકારીએ આગાહી કરી છે કે તાજેતરનો આંકડો હજુ વધી શકે છે. બ્લૂમબર્ગે બુધવારે ચીનના નેશનલ હેલ્થ કમિશનની આંતરિક બેઠકને ટાંકીને કહ્યું કે ડિસેમ્બરના પ્રથમ 20 દિવસમાં ઓછામાં ઓછા 24 કરોડ 80 લાખ લોકો કોરોના વાયરસથી સંક્રમિત થયા હતા. જો આ વાત સાચી હોય તો માત્ર 20 દિવસમાં ચીનની 18 ટકા વસ્તી કોરોનાથી સંક્રમિત થઈ ગઈ છે. આવી સ્થિતિમાં કોરોના ચેપના વર્તમાન દરે જાન્યુઆરી 2020માં દરરોજ 4 લાખ ચેપનો જૂનો રેકોર્ડ તોડી નાખ્યો છે.
USAમાં પકડાઈ જવાય તો શું કરવાનું? મેક્સિકો પહોંચેલા કલોલના કપલને એજન્ટે શું કહ્યું હતું?

ચીન મહામારીની શરૂઆતથી જ તેના કોરોના પ્રતિબંધો માટે કુખ્યાત છે. સ્થિતિ એટલી ખરાબ થઈ ગઈ હતી કે ચીનના નાગરિકોને શી જિનપિંગ વિરુદ્ધ રસ્તા પર ઉતરવું પડ્યું હતું. આ કારણોસર ચીને કોરોના પ્રતિબંધોને હળવા કરવાનું શરૂ કર્યું. દરમિયાન BF.7, Omicronના અત્યંત ચેપી પરિવર્તનીય વેરિયન્ટનો જન્મ થયો. તેનાથી ચીનની મોટી વસ્તીને અસર થઈ હતી. ચીનના આરોગ્ય મંત્રાલયના જણાવ્યા અનુસાર, સિચુઆન પ્રાંત અને રાજધાની બેઇજિંગના અડધાથી વધુ રહેવાસીઓ સંક્રમિત થયા છે. ચીનની સરકારે પણ સંક્રમિત વ્યક્તિના સંપર્કમાં આવેલા લોકોમાં સંક્રમણના દર સંબંધિત માહિતી આપવાનું બંધ કરી દીધું છે. તેમનું મોડેલ સૂચવે છે કે શેનઝેન, શાંઘાઈ અને ચોંગકિંગ શહેરોમાં સૌથી વધુ કેસ જોવા મળી શકે છે.

ચીનમાં કોરોના વાયરસનો હાહાકાર, નવા રિપોર્ટથી વધ્યું દુનિયાનું બ્લડ પ્રેશર!

વર્ષ 2019માં ચીનમાંથી કોરોના વાયરસ (COVID 19)ની શરૂઆત થઈ હતી. હવે કોરોના વાયરસનો નવો વેરિયન્ટ BF.7 હાહાકાર મચાવી રહ્યો છે. જેથી ચીનના અધિકારીઓનો ડર (Covid situation in China) વધી ગયો છે. જો આ નવા રિપોર્ટ પર નજર કરીએ તો ચીનમાં દરરોજ લગભગ 10 લાખ કોવિડ કેસ સામે આવી રહ્યા છે! તેમજ 24 કલાકમાં 5 હજાર લોકોના મોત થયા છે! આ રિપોર્ટમાં કહેવામાં આવ્યું છે કે જ્યારથી ઝીરો કોવિડ પોલિસી દૂર કરવામાં આવી છે ત્યારથી ઓમિક્રોનનો નવો વેરિયન્ટ વધુ આક્રમક બની ગયો છે. જેના કારણે આગામી એક મહિનામાં નવા કેસની સંખ્યા 3.7 લાખ સુધી પહોંચી શકે છે. માર્ચમાં આ આંકડા 4.2 મિલિયન સુધી પહોંચી શકે છે.

ચીને નવેમ્બરમાં ઝીરો કોવિડ નીતિ સમાપ્ત કરી હતી અને ત્યારથી ત્યાં અપેક્ષા કરતા વધુ ઝડપથી કોરોનાનો ફેલાવો જોવા મળ્યો છે. આ મહિનાની શરૂઆતમાં પ્રતિબંધો હળવા થયા હોવાથી દુકાનો અને જાહેર સ્થળોએ ભીડ ઉમટી હતી. વર્લ્ડ હેલ્થ ઓર્ગેનાઈઝેશન (ડબ્લ્યુએચઓ)એ પણ કહ્યું છે કે ચીનમાં કોવિડના કેસો વધતા હોસ્પિટલો દર્દીઓથી ઉભરાઈ રહી છે.

અહેવાલો અનુસાર, ત્યાં હોસ્પિટલો ભરાઈ ગઈ છે. 104 ડિગ્રી તાવવાળા વૃદ્ધ દર્દીઓ પાસે હોસ્પિટલની બહાર 6 કલાક રાહ જોવાનો અથવા ઘરે જવાનો વિકલ્પ છે. ઘણાં લોકો ઘરે જવાનું પસંદ કરી રહ્યા છે. અહેવાલમાં જણાવાયું છે કે ચીનમાં કોઈપણ એવું માનતું નથી કે મૃત્યુઆંક ઓછો છે કારણકે ઘણાં લોકોએ પરિવારના વૃદ્ધ સભ્યો અથવા પાડોશીઓના મોત જોયા છે.