Gujarat : ગુજરાતમાં એક નવી આગાહી – કમોસમી વરસાદ અને ગરમી એકસાથે ત્રાટકશે..

Gujarat : રાજ્યમાં કાળઝાળ ગરમીનો વધ્યો પ્રકોપ..2 શહેરોમાં ગરમીનો પારો 40 ડિગ્રીને પાર પહોંચ્યો..અસહ્ય ગરમીના કારણે લોકોની મુશ્કેલીમાં થયો વધારો..

Gujarat : ગુજરાતમાં વધતા તાપમાન સાથે એક નવી આગાહી આવી છે. ગુજરાતમાં હીટવેવ વચ્ચે કમોસમી વરસાદનું પણ અનુમાન છે. એક તરફ અસહ્ય ગરમી અને ઉકળાટ અનુભવાય છે, ત્યાં ગુજરાતના કેટલાક શહેરોમાં વાદળછાયુ વાતાવરણ રહીને કમોસમી વરસાદ એન્ટ્રી કરી શકે છે. ગુરૂવારે અનેક વિસ્તારોમાં વાદળછાયું વાતાવરણ રહ્યુ હતુ આ સાથે ગરમીમાં પણ વધારો નોંધાયો હતો.

ક્યાં ક્યાં વરસાદની આગાહી

હવામાન વિભાગના વૈજ્ઞાનિક રામાશ્રય યાદવે જણાવ્યું કે, આજે રાજ્યના કેટલાક વિસ્તારોમાં હળવા વરસાદની શક્યતા છે. તો બીજી તરફ કેટલાક વિસ્તારોમાં હિટવેવની આગાહી છે. આજે સૌરાષ્ટ્ર વિસ્તારમાં હિટવેવની આગાહી છે. તો દાહોદ, પંચમહાલ, છોટાઉદેપુર, કચ્છ અને મહીસાગરમાં હળવા વરસાદની આગાહી છે. ગીર સોમનાથ, દીવ અને પોરબંદરમાં હીટવેવની શક્યતા છે. ગુજરાતમાં અરબ સાગરથી ભેજ આવતા કેટલાક વિસ્તારોમાં હળવો વરસાદ આવશે.

માવઠાની આગાહી વચ્ચે ગરમીની આગાહી તો યથાવત જ છે. રાજ્યમાં કાળઝાળ ગરમીનો પ્રકોપ ચાલું છે. રાજ્યમાં 2 શહેરોમાં તાપમાનનો પારો 40 ડિગ્રી પાર પહોંચ્યો છે. અમરેલીમાં સૌથી વધુ 40.2 ડિગ્રી તાપમાન નોંધાયું છે. તો રાજ્યના 2 શહેરોમાં તાપમાન 40 ડીગ્રીને પાર પહોંચી ગયું છે. રાજ્યના 4 શહેરોમાં તાપમાન 39 ડીગ્રીને પાર નોંધાયું છે. રાજ્યના 6 શહેરોમાં તાપમાન 38 ડિગ્રી પાર નોંધાયું છે. અમદાવાદમાં તાપમાન 37.4 ડિગ્રી પાર નોંધાયું છે.

આ પણ વાંચો : Lathmar Holi : બરસાના 2024માં લથમાર હોળી તારીખ, ઈતિહાસ, મહત્વ અને આ અનોખી હોળીની ઉજવણી વિશે બધું..