Ganeshji : દુનિયાના સૌથી મોંઘા ગણપતિ બાપ્પા આ સુરતી ઉદ્યોગપતિ પાસે છે, 600 કરોડ છે કિંમત

આજે દેશભરમાં Ganeshji ની મૂર્તિઓની સ્થાપના કરવામાં આવશે. જોકે, સુરતના એક હીરાના વેપારીએ પોતાના ઘરમાં વિશ્વના દુર્લભ ગણેશજીની સ્થાપના કરી છે. જેની કિંમત 600 કરોડ રૂપિયા છે. વિદેશમાં રફ હીરા ખરીદતી વખતે તેને ગણેશ મૂર્તિનો હીરો મળ્યો.

આજે દેશભરમાં ગણેશ ચતુર્થીની ધામધૂમથી ઉજવણી કરવામાં આવી રહી છે. કોરોના કાળ દરમિયાન પણ લોકોમાં અદભૂત ઉત્સાહ જોવા મળી રહ્યો છે. ત્યારે સુરતના કનુભાઈ આસોદરિયાએ વિશ્વના દુર્લભ હીરા Ganeshji ને પોતાના ઘરમાં રાખ્યા હતા. જ્યારે તેઓ રફ હીરા ખરીદવા વિદેશ ગયા હતા ત્યારે તેમને આ અનોખો હીરો મળ્યો હતો.

અમેરિકાની કમલા હેરિસે પણ ભગવાન ગણેશની પ્રતિકૃતિ જેવા દેખાતા આ ગણેશ હીરાને જોવાની ઈચ્છા વ્યક્ત કરી છે. તેઓ પણ આ ભગવાન ગણેશના આશીર્વાદ લેવા આતુર છે.

આ પણ વાંચો : Vadtal Dham : વડતાલ સ્વામિનારાયણ ધામમા વિઘ્નહર્તા ગણપતિની સ્થાપના કરવામાં આવી; જળઝીલણી એકાદશીના શુભ દિને અપાશે વિદાય…

કનુભાઈએ વિશ્વના સૌથી મોંઘા Ganeshjiની સ્થાપના કરી છે. તેઓ દર વર્ષે ગણેશ ચતુર્થીના અવસર પર આ રફ હીરાને તેમના ઘરે સ્થાપિત કરે છે. આંતરરાષ્ટ્રીય બજારમાં તેની કિંમત 600 કરોડ રૂપિયાથી વધુ આંકવામાં આવી છે. પરંતુ કનુભાઈ આસોડિયા ક્યારેય તેનું મૂલ્ય બતાવતા નથી કારણ કે તે તેમના માટે અમૂલ્ય છે.

ગજાનનનું આ સ્વરૂપ સુરતના હીરાના વેપારી કનુ આસોદરિયા પરિવાર પાસે છે. આ ગણેશની મૂર્તિ “182.3 કેરેટ” રફ ડાયમંડથી બનેલી છે અને તેનું વજન “36.5 ગ્રામ” છે. તમને જણાવી દઈએ કે કોહિનૂર 105 કેરેટનો હીરો છે, જ્યારે ગણેશની મૂર્તિ 182 કેરેટ 53 સેન્ટની છે. જે કોહિનૂર હીરા કરતા પણ મોટો છે, વર્લ્ડ બુક ઓફ રેકોર્ડે આ હીરાને વિશ્વના સૌથી અનોખા હીરાનો દરજ્જો આપ્યો છે.