Ayodhya Ram Mandir : USના 851 મંદિરોમાં ફરશે રામ મંદિર રથયાત્રા, એ પણ માત્ર 60 દિવસમાં, ખેડશે 48 રાજ્યોનો પ્રવાસ..

Ayodhya Ram Mandir : અયોધ્યામાં રામ મંદિરની પ્રાણ પ્રતિષ્ઠામાં બાદ દેશ સહિત દુનિયાભરમાં રામભક્તોમાં અનેરા ઉત્સાહનો માહોલ છે. આ અંતર્ગતઅમેરિકામાં પણ ભગવાન રામના ભક્તોમાં ભારે ઉત્સાહ જોવા મળી રહ્યો છે. રામ મંદિરની પ્રાણ પ્રતિષ્ઠા થઈ ત્યારે પણ અમેરિકા સ્થિત વિશ્વ હિન્દુ પરિષદના નેતૃત્વમાં એક મોટી કાર રેલી કાઢવામાં આવી હતી.

Ayodhya Ram Mandir : આ ક્રમમાં હવે અમેરિકામાં મોટા પાયે રામ મંદિર રથયાત્રા કાઢવામાં આવશે. આ યાત્રા સોમવારે શિકાગોથી શરૂ થશે. 48 રાજ્યોમાં રથયાત્રા યોજાશે જે 60 દિવસમાં 851 મંદિરોમાં પહોંચશે. આ સમયગાળા દરમિયાન રથયાત્રા 8 હજાર માઈલનું અંતર કાપશે. આ યાત્રા 23 એપ્રિલે શ્રી હનુમાન જયંતિના દિવસે સુગર ગ્રોવ, ઇલિનોઇસમાં સમાપ્ત થશે.આયોજકોએ ગુરુવારે આ માહિતી આપી.

Ayodhya Ram Mandir : આ અંગે રથયાત્રાનું આયોજન કરતી સંસ્થા ‘વિશ્વ હિંદુ પરિષદ ઑફ અમેરિકા‘ (VHPA)ના મહાસચિવ અમિતાભ મિત્તલે જણાવ્યું હતું કે, ટોયોટા સિએના વાનની ટોચ પર બનેલા રથમાં ભગવાન રામ, દેવી સીતા માતા અને હનુમાનજીની મૂર્તિઓ છે. આ સાથે અયોધ્યાના રામ મંદિરમાંથી વિશેષ પ્રસાદ લાવવામાં આવશે અને જીવનના અભિષેક માટે અખંડ કલશની પૂજા કરવામાં આવશે.

મિત્તલે કહ્યું કે, રામ મંદિરના ઉદ્ઘાટનથી વિશ્વભરના 1.5 અબજથી વધુ હિન્દુઓના હૃદય આનંદથી ભરાઈ ગયા છે. તેનાથી તેમનામાં નવી ઉર્જા અને આત્મવિશ્વાસનો સંચાર થયો છે.

આ પણ વાંચો : Vastu Tips : સવારે ઉઠીને ક્યારેય જોશો નહી આ વસ્તુઓ, નહીંતર ગરીબી ઘર કરી જશે..

25 માર્ચે શિકાગોથી શરૂ થશે રથયાત્રા

આ દેશવ્યાપી રથયાત્રા 25 માર્ચે અમેરિકાના શિકાગોથી શરૂ થશે અને 8000 માઈલથી વધુનું અંતર કાપશે. આ યાત્રા અમેરિકાના 851 મંદિરો અને કેનેડામાં લગભગ 150 મંદિરોની મુલાકાત લેશે. કેનેડામાં ‘વિશ્વ હિન્દુ પરિષદ’ કેનેડામાં રથયાત્રાનું આયોજન કરી રહી છે.

અમેરિકાના તમામ મંદિરોની સર્વોચ્ચ સંસ્થા ‘હિન્દુ ટેમ્પલ એમ્પાવરમેન્ટ કાઉન્સિલ’ (HMEC)ના તેજલ શાહે કહ્યું, આ રથયાત્રાનો હેતુ લોકોમાં હિંદુ ધર્મ વિશે જાગૃતિ વધારવાનો, તેમને શિક્ષિત કરવાનો અને તેમને સશક્તિકરણ કરવાનો છે.

આ પણ વાંચો : Pomegranate Powder : કચરો નહી કંચન છે દાડમની છાલ, ભુક્કો કરીને ફાકશો તો મળશે ગજબના ફાયદા..રથયાત્રા હિન્દુઓને એક કરવાનો પ્રયાસ

આ સાથે તેમણે કહ્યુંકે, આ યાત્રા તમામ હિંદુઓને એક થવાની અને ભાગ લેવાની તક પૂરી પાડશે અને હિંદુ નીતિ અને ધર્મના પુનરુત્થાન તરફ દોરી જશે. મિત્તલે કહ્યું કે ઘણા સ્વયંસેવકોએ પ્રવાસની યોજના અને આયોજન કરવામાં મદદ કરવા માટે VHPA સાથે નોંધણી કરાવી છે.