સરકાર બનાવ્યા પછી ભારતના પગમાં પડ્યું તાલિબાન અને મદદ કરવા માટે કરી આજીજી…
તાલિબાને સત્તા સંભાળ્યા બાદ વિશ્વભરના દેશોએ અફઘાનિસ્તાન માટે તેમની ફ્લાઇટ બંધ કરી દીધી હતી. હવે સરકાર બનાવ્યા બાદ તાલિબાનોએ ભારતને લગભગ દોઢ મહિના પછી આંતરરાષ્ટ્રીય ફ્લાઇટ્સ ફરી શરૂ કરવાની અપીલ કરી છે. પ્રથમ વખત તાલિબાને ભારતને ઉપચારિક પત્ર લખ્યો છે. અફઘાન નાગરિક ઉડ્ડયન ઓથોરિટીએ નાગરિક ઉડ્ડયન મહાનિદેશાલયને અફઘાન રાષ્ટ્રીય વિમાનવાહકોને બંને દેશો વચ્ચે ઉડાન શરૂ કરવાની મંજૂરી આપવા અપીલ કરી છે.
જણાવી દઈએ કે સમાચાર એજન્સી ANI અનુસાર, અફઘાનિસ્તાનમાં તાલિબાનના ઈસ્લામિક અમીરાતએ કાબુલ માટે વ્યાપારી ફ્લાઈટ ફરી શરૂ કરવા માટે DGCAને પત્ર લખ્યો છે. નાગરિક ઉડ્ડયન મંત્રાલય હાલમાં તાલિબાનના આ પત્રની સમીક્ષા કરી રહ્યું છે.
નોંધનીય છે કે આ પત્ર 7 સપ્ટેમ્બરે અફઘાનિસ્તાન નાગરિક ઉડ્ડયન પ્રાધિકરણના કાર્યકારી મંત્રી હમીદુલ્લા અખુનઝાદાએ ભારતના નાગરિક ઉડ્ડયન મહાનિર્દેશક અરુણ કુમારને લખ્યો હતો. તે જ સમયે, નાગરિક ઉડ્ડયન મંત્રાલય આ પત્ર પર વિચાર કરી રહ્યા છે.
અખુનઝાદાએ DGCA ને લખ્યું કે, “તમે સારી રીતે જાણો છો કે અમેરિકી દળો દ્વારા કાબુલ એરપોર્ટને નુકસાન અને અક્ષમ કરવામાં આવ્યું હતું. પરંતુ અમારા મિત્ર કતારના ટેકનિકલ સપોર્ટથી આ એરપોર્ટ ફરી એક વખત કાર્યરત કરવામાં આવ્યું છે. 6 સપ્ટેમ્બર, 2021 ના રોજ આ અંગે નોટમ જારી કરવામાં આવી હતી.”
ભારત દ્વારા તાલિબાનને માન્યતા આપવામાં આવી નથી. તે જ સમયે, અમે તમને જણાવી દઈએ કે ભારતે હજુ તાલિબાનની વચગાળાની સરકારને માન્યતા આપી નથી. જોકે, દોહા, કતારમાં ભારતના રાજદૂત દીપક મિત્તલ અને તાલિબાન નેતા શેર મોહમ્મદ અબ્બાસ સ્ટેંકઝાઈ મળ્યા છે. અમેરિકન દળોના ઉપાડ બાદ તાલિબાને 30 ઓગસ્ટના રોજ અફઘાનિસ્તાનનો કબજો મેળવ્યો હતો. ભારતથી કાબુલ માટે છેલ્લી ફ્લાઇટ 21 ઓગસ્ટે નાગરિકોને બહાર કાઢવા માટે હતી. એર ઈન્ડિયાની ફ્લાઈટે પહેલા દુશાંબે અને પછી નવી દિલ્હી માટે ઉડાન ભરી હતી.
અફઘાનિસ્તાનમાં વિમાન ઉતારનાર પાકિસ્તાન પ્રથમ દેશ છે. જાણકારી માટે, તમને જણાવી દઈએ કે, અફઘાનિસ્તાન પર તાલિબાનના કબજાના લગભગ એક મહિના પછી, પ્રથમ આંતરરાષ્ટ્રીય વ્યાપારી ફ્લાઈટ કાબુલ એરપોર્ટ પર ઉતરી હતી. પાકિસ્તાન ઇન્ટરનેશનલ એરલાઇન્સનું વિમાન મુઠ્ઠીભર મુસાફરોને લઇને કાબુલના હમીદ કરઝાઇ ઇન્ટરનેશનલ એરપોર્ટ પર ઉતર્યું હતું. તાલિબાને 15 ઓગસ્ટે અફઘાનિસ્તાન પર કબજો જમાવ્યા બાદ જ આંતરરાષ્ટ્રીય ફ્લાઇટ્સ સ્થગિત કરી દેવામાં આવી હતી.
