Gujarat માં અહીં રમાય છે 20 તોલાના ઘરેણા પહેરીને રાસ…

પોરબંદર જિલ્લામાં વસતી મહેર જાતિએ આજના આધુનિક યુગમાં પ્રાચીન ગરબો મણિયારો રાસ હજુ જાળવી રાખ્યો છે અને આ ગરબામાં મહિલાઓ 20-20 તોલાના સોનાના ઘરેણાં પહેરીને રાસ-ગરબા રમે છે. પુરુષો પણ આ રાસમાં જોડાતા હોય છે.

મહેર સમાજની મોટી વસ્તી પોરંબદરમાં વસે છે, જે રાજપુત ક્ષત્રિય સમાજ છે. આ એવો સમાજ છે જેમણે વતન માટે યુદ્ધ કર્યું હતું અને જીત મેળવી હતી. ત્યારથી જીતની ખુશી માટે મણિયારો રાસ રમવામાં આવે છે.

આ પણ વાંચો : Multibagger share : 71 પૈસાથી 35 રૂપિયાને પાર પહોંચ્યો આ મલ્ટીબેગર શેર, કંપનીએ આપ્યા છે 4 બોનસ શેર

મહેર જાતિની મહિલાઓ પરંપરાગત પોષાક જેવો કે ઢારવો, કાપડું, ઓઢણી, ડોકમાં સોનાનો હાર જેને જુમણું કહેવામાં આવે છે, કાનમાં વેઢલો અને કેડે કંદોરો. લગભગ 3થી 4 હજાર મહિલાઓ ગળામાં 20-20 તોલા સોનાના ઘરેણાં સાથે ગરબા રમે છે. એક અંદાજ મુજબ 425 કરોડ રૂપિયાના ટોટલ ઘરેણાં સાથે મહેર મહિલાઓ ગરબે ઘુમે છે.